Velferð – Mannréttindi, forvarnir og lýðheilsa

Við skiptum öll máli og það eru mikilvæg mannréttindi að taka virkan þátt í samfélaginu. Við sættum okkur hvorki við fátækt eða félagslega útskúfun í Reykjavík. Forvarnir forða einstaklingum, fjölskyldum og samfélaginu öllu frá miklum vanda.

Við skiptum öll máli

  • Tækifæri til vinnu, náms, starfsendurhæfingar eða meðferðar

    Við viljum bjóða þeim sem þarfnast fjárhagslegrar aðstoðar tækifæri til vinnu, náms, starfsendurhæfingar eða meðferðar, allt eftir því hver vandinn er.

  • Greiða fyrir frístund og skólamáltíðir barna

    Við viljum greiða fyrir frístundir og skólamáltíðir barna þeirra foreldra sem ekki eiga þess kost.

  • tryggja þátttöku barna af erlendum uppruna

    Við viljum tryggja þátttöku barna af erlendum uppruna í vönduðu frístundastarfi.

  • Menntaátak að fyrirmynd Breiðholtshverfis

    Við viljum bæta stöðu fólks sem hvorki finnur sig í námi né vinnu  í fleiri hverfum með innleiðingu á menntaátaki að fyrirmynd Breiðholtshverfis.

  • Vinna gegn einangrun aldraðra

    Við viljum vinna gegn einangrun aldraðra, ekki síst fólks af erlendum uppruna.

Velferð barna og ungmenna er forgangsmál

  • Laga kerfið að barninu

    Við ætlum að laga kerfið að barninu, en ekki barnið að kerfinu.

  • Hverfi útfæri stuðning við börn og ungmenni.

    Við viljum að hvert hverfi fái frelsi til að útfæra sinn stuðning við börn og ungmenni.

  • Grípa inn í ef barn þarf aukinn stuðning

    Við viljum grípa strax inn í ef kviknar grunur um að barn þurfi aukinn stuðning.

  • Sporna gegn brotthvarfi

    Við viljum vinna með ungu fólki á aldrinum 16 til 18 ára sem er að flosna úr námi.

  • Skólaskólaskylda til 18 ára

    Við viljum hefja umræðu um skólaskyldu til 18 ára aldurs.

  • Stuðningur við börn með raskanir

    Við viljum auka stuðning í skólum og frístundastarfi fyrir börn með tilfinningalegar raskanir, sem og auka þekkingu starfsfólks á þörfum þeirra.

Réttindi fatlaðs fólks og hugmyndafræðin um sjálfstætt líf

  • Samningur sameinuðu þjóðanna

    Við viljum koma til móts við fólk með fötlun í samræmi við samning Sameinuðu þjóðanna um réttindi fatlaðs fólks.

  • NPA

    Við ætlum að vinna áfram að þróun og innleiðingu notendastýrðar persónulegrar aðstoðar.

  • Þjónusta óháð búsetuformi

    Við ætlum að skilgreina rétt til þjónustu óháð búsetuformi.

  • Eyða biðlistum eftir stuðningsþjónustu

    Við viljum vinna markvisst að því að eyða biðlistum eftir stuðningsþjónustu.

  • Íbúðir í stað herbergjasambýla

    Við ætlum að eyða biðlistum eftir húsnæði og vinna markvisst að lokun herbergjasambýla.

  • ferðaþjónusta fatlaðs fólks

    Við lítum á ferðaþjónustu fatlaðs fólks eins og almenningssamgöngur og viljum að ferðaþjónustan sé til reiðu þegar hennar er þörf og óháð bílastyrkjum TR.

Mannréttindi utangarðsfólks

  • Fólk á ekki að þurfa sofa úti

    Í Reykjavík á fólk ekki að þurfa sofa úti. Við viljum tryggja mannréttindi utangarðsfólks með raunhæfum úrræðum.

  • heilbrigðisvandi utangarðsfólks

    Við viljum taka á málum utangarðsfólks sem heilbrigðisvanda.

  • húsnæði fyrir þá verst settu

    Það er forgangsatriði að finna húsnæði fyrir þá sem eru í hættu að lenda á götunni.

  • Hvíldarúrræði

    Við viljum koma upp hvíldarúrræði fyrir fólk í mikilli neyslu.